World Class opnar í Kringlunni

Reitir og rekstraraðilar World Class hafa undirritað samning um nýja World Class stöð í Kringlunni.

Í nýju stöðinni verður fullútbúinn tækjasalur, heitur salur, hjólasalur og fjölnota salur. Þá verða vandaðir búningsklefar og útisvæði með heitum og köldum pottum.

Nýja stöðin verður í mjög aðgengilegu rými við inngang á 2. hæð, í rými sem fram til þessa hefur hýst leikfangaverslun.

Tekin hafa verið markviss skref til að auka heilsutengda þjónustu í Kringlunni, Sjúkraþjálfun Íslands opnaði glæsilega aðstöðu í lok árs 2019 og nýja World Class stöðin kemur til með að efla þjónustuframboð tengt heilsu enn frekar.