Persónuverndarstefna

Persónuverndarstefna

Rekstrarfélag Kringlunnar [hér eftir Kringlan] tekur persónuvernd og friðhelgi einstaklinga mjög alvarlega. Þessi persónuverndarstefna útlistar hvernig upplýsingum er safnað við notkun þessarar vefsíðu, hvernig upplýsingarnar eru geymdar og hvernig þær eru nýttar. Við notum IP-tölur notenda til að greina vandamál á vefþjónum okkar og hafa umsjón með vefsíðum okkar.

Þegar þú notar þennan vef verða til upplýsingar um heimsóknina. Kringlan miðlar þeim ekki til annarra nema samkvæmt lagaskyldu til eftirlitsaðila.

Gagnasöfnun

Persónuupplýsingarnar sem við söfnum eru: Nafn, kennitala, netfang, heimilisfang og símanúmer. Kringlan notar þessar upplýsingar til að bæta þjónustu til viðskiptavina. Gögnin sem söfnuð eru, eru geymd á vefþjóni Kringlunnar eins lengi og talið er þurfa í samræmi við íslensk lög. Notendur geta hvenær sem er óskað eftir því að upplýsingar um þá verði fjarlægðar.

Rafræn vöktun

Í Kringlunni eru öryggismyndavélar við innganga, á göngum, í verslunum o.s.frv. Auk þess eru myndavélar á nokkrum stöðum utanhúss, s.s. við bílastæði. Þá notast öryggisverðir við búkmyndavélar. Kveikt er á búkmyndavélinni þegar að öryggisverðir fara í afgreiðslu mála og tekur hún upp hljóð og mynd. Búkmyndavélin gefur frá sér hljóðmerki og blikkar rautt ljós þegar kveikt er á henni og öryggisverðir tilkynna öllum viðeigandi að þeir séu í hljóð og myndupptöku.

Rafræn vöktun er mikilvæg til að tryggja yfirsýn yfir starfsemi innan Kringlunnar sem snúa að öryggi og heilsu starfsmanna og viðskiptavina Kringlunnar.

Vöktunin fer fram á grundvelli lögmætra hagsmuna Kringlunnar í tengslum við eigna- og öryggisvörslu, sbr. 6. tölul. 9. gr. laga nr. 90/2018 og f-lið 1. mgr. 6. gr. reglugerðar (ESB) 2016/679. Ábyrgðaraðili vöktunarinnar er Rekstarfélag Kringlunnar.

Við notkun öryggismyndavéla er fylgt reglum nr. 50/2023 um rafræna vöktun og í 6. gr. þeirra eru upplýsingar um réttindi einstaklinga. Engum gögnum er safnað um einstaklinga og engin gögn eru geymd lengur en í 30 daga nema sérstök heimild sé fyrir því.

Hvernig og hversu lengi eru persónuupplýsingar varðveittar?

Vinnsla:   Almenn móttaka og svörun skilaboða tölvupósti

Varðveislutími: Eins lengi og þörf er miðað við tilgang vinnslunnar

Póstlisti Kringlunnar: Fram að afskráningu viðskiptavinar

Útgáfa gjafakorta:  Þar til gjafakorti viðskiptavinar er eytt

Þjófnaðar- og tjónamál: Myndefni er varðveitt í 30 daga og er síðan eytt. Þó geta upptökur verið varðveittar lengur sé það nauðsynlegt til að krafa verði afmörkuð, sett fram eða varin vegna dómsmáls eða annarra slíkra laganauðsynja. Ef myndefni er afhent lögreglu er öðrum eintökum af efninu eytt.

Vafrakökur: Vafrakökur (e. cookies) eru notaðar til þess að telja heimsóknir á vefinn og til þess að þekkja aftur fyrri notendur. Kringlan notar vafrakökur sparlega og af ábyrgð. Notendur geta sjálfir stillt vafra sína þannig að þeir láti vita af kökum eða hafni þeim alfarið.

Kringlan notar ýmis greiningartól til vefmælinga. Í hvert sinn sem vefurinn er heimsóttur eru nokkur atriði skráð, svo sem tími og dagsetning heimsóknar, leitarorð sem notuð eru til að finna vefinn, frá hvaða vef er komið og gerð bæði vafra og stýrikerfis þess sem heimsækir vefinn. Upplýsingum sem er safnað eru notaðar til að þróa og bæta vefinn svo hann verði aðgengilegri og þægilegri í notkun. Engum öðrum upplýsingum um hverja komu er safnað. Upplýsingarnar sem safnað er eru ekki tengdar við aðrar persónugreinanlegar upplýsingar.

SSL skilríki: Vefurinn notast við svokölluð SSL-skilríki. Það þýðir að öll samskipti eru yfir dulritað burðarlag sem gerir gagnaflutning í gegnum hann öruggari.

SSL skilríki koma í veg fyrir það að þriðji aðili komist yfir gögn, s.s. lykilorð, sem send eru í gegnum vefinn. Upplýsingar sem sendar eru milli notenda vefmiðlara eru dulkóðaðar með SSL skilríkjunum. Þannig skila gögnin sem flutt eru á milli sér á öruggan og réttan máta.

Skráðir notendur: Form á vef Kringlunnar

Á vefsíðu Kringlunnar og Ævintýralands er hægt að senda inn fyrirspurn. Í gegnum þau form geta notendur gefið upp nafn og netfang sitt svo hægt sé að fylgja fyrirspurninni eftir.

Hægt er að kaupa gjafakort á vefsíðu Kringlunnar. Greiðandi gefur upp kennitölu, nafn, heimilisfang, póstnúmer, símanúmer og netfang svo hægt sé að ganga frá pöntuninni. Einnig gefur greiðandi upp kortaupplýsingar við greiðslu, en þær upplýsingar eru ekki vistaðar.

Notendur sem sækja um störf í gegnum vefsíðu Kringlunnar gefa upp fullt nafn, kennitölu, netfang, símanúmer, ástæða umsóknar og gefst kostur á að hala upp ferilskrá og mynd. Notendur sem sækja um starf fyrir Ævintýraland Kringlunnar gefa upplýsingar um fullt nafn, kennitölu, heimilisfang, póstnúmer, símanúmer, netfang, kyn, hjúskaparstöðu, menntun og starfsþjálfun, fyrri störf og atvinnurekendur, meðmælendur, reykingar, heilsufar, sakavottorð, bílpróf, félagsstörf og áhugamál, reynslu, þjónustulund og hvenær viðkomandi getur hafið störf ásamt því að gefast kostur á að hala upp ferilskrá og mynd.

Þessar skráningar eru geymdar í vefumsjónarkerfinu eins lengi og talið er þurfa í samræmi við íslensk lög. Afrit af erindum eru ekki vistuð í vefumsjónarkerfinu.

Póstlistar og önnur áskrift að efni

Notendur geta skráð sig á póstlista og fengið sent efni frá Kringlunni. Netföngin eru vistuð í vefumsjónarkerfinu Mailchimp og eru einungis vistuð í þeim tilgangi að senda út fréttir og upplýsingar frá Kringlunni ásamt markpóstum. Neðst í hverjum pósti sem sendur er út til notenda er tengill sem hægt er að smella á til að afskrá sig af póstlistanum.

Vefurinn og þær upplýsingar sem hann tekur á móti eru vistaðar á vefkerfinu Prismic.io og á Íslandi hjá fyrirtækinu Tactica.

Aðrar vefsíður

Reglur Kringlunnar um öryggi notenda gilda ekki á öðrum vefsíðum utan hennar. Vefsíður sem vísað er í af vef Kringlunnar eru utan ábyrgðar Kringlunnar. Hægt er að hafa samband í gegnum dop@kringlan.is til þess að gera athugasemdir eða fá frekari upplýsingar.

Réttindi þín

Þar sem við vinnum, eins og kemur fram hér að framan, með persónuupplýsingar um þig þá hefur þú margs kyns réttindi sem mikilvægt er að þú fáir upplýsingar um:

Þú átt rétt á að óska eftir aðgangi að og afriti af persónuupplýsingum þínum hjá okkur, láta okkur leiðrétta þær ef þær eru rangar eða villandi eða láta okkur eyða þeim ef við höfum ekki lengur heimild til að vinna með þær. Þessum réttindum er nánar lýst í lögum um persónuvernd, sbr. nú 17. og 20. gr. laga nr. 90/2018. Þá átt þú samkvæmt síðarnefndu lagagreininni rétt á að flytja eigin gögn eða að við takmörkum vinnslu persónuupplýsinga um þig, að uppfylltum nánar tilteknum skilyrðum. Þú átt einnig rétt á að andmæla vinnslunni skv. 21. gr. laganna.

Þú getur hvenær sem er sent okkur fyrirspurn eða kvörtun vegna vinnslunnar, á netfangið personuvernd@kringlan.is. Þá átt þú rétt á að leggja fram kvörtun hjá Persónuvernd vegna vinnslunnar. Skrifstofa hennar er að Laugavegi 166, 4. hæð, 105 Reykjavík og netfang hennar er postur@personuvernd.is.

 Breytingar

Kringlan áskilur sér rétt til þess að breyta persónuverndarstefnu sinni í samræmi við breytingar á viðeigandi lögum, reglugerðum og/eða vegna breytinga á því hvernig Kringlan vinnur með persónuupplýsingar.

Persónuverndarstefna þessi var uppfærð þann 18. júní 2024.